Բերդ
Բերդը փոքր քաղաք է Տավուշի մարզում։ Այն գտնվում է Տավուշ գետի ձախ ափին՝ մարզկենտրոն Իջևանից 54 կմ հեռավորության վրա։ Հեռավորությունը մայրաքաղաք Երևանից 202 կմ է։ Քաղաքը շրջապատված է ոչ բարձր սարերով։ Բերդը գտնվում է ծովի մակարդակից 1000 մ բարձրության վրա։ Քաղաքի անվանումը կապված է մոտակայքում գտնվուղ Տավուշի բերդի ավերակների հետ։ Այս բերդն առաջին անգամ հիշատակվել է 10-րդ դարում՝ որպես Աշոտ Երկաթ արքայի նստավայր։ Բերդը համարվում է եզակի, քանի որ այն ունեցել է լավ զարգացած ջրամատակարարման համակարգ։ Այն լքված է 14-րդ դարից ի վեր։ Բերդ քաղաքից ոչ հեռու գտնվող հայտնի պատմական հուշարձաններ են Նոր Վարագավանք և Խորանաշատ եկեղեցիները, ինչպես նաև մ․թ․ա․1-ին հազարամյակի կիկլոպյան ամրոցի ավերակները: Արձանագրություններում քաղաքը հիշատակվում է որպես Բերդագյուղ, Թավուզղալա, Թուզկալա, Շլորուտ և Ոլորուտ: Բերդում հիմնականում զբաղվում են գինեգործությամբ, մեղվաբուծությամբ, ծխախոտի և հացահատիկի մշակմամբ:Մոտակայքում
🍪
Մենք օգտագործում ենք cookies մանրամասներ